Бишкек: Май куючу станциянын аймагында өрт-тактикалык машыгуулар өткөрүлдү

24-ноябрда Бишкек шаары боюнча Ленин райондук өзгөчө кырдаалдар бөлүмүнүн кызматкерлери №5 «РОСНЕФТ» май куючу жайынын аймагында «Кырсык болгон учурда май куючу станцияда чыккан өрттү өчүрүү» деген темада өрт-тактикалык машыгууларды өткөрүштү.

Машыгуунун планына ылайык, автоцистернаны толтуруу учурунда күчү 6,9 баллга жеткен жер титирөө катталып, май куючу жайдын аймагында өрт чыккан.

Өзгөчө кырдаалдардын кесепеттерин жоюу үчүн окуя болгон жерге Жарандык коргонуу кызматтарынын күчтөрү жана каражаттары:

– коомдук тартипти коргоо кызматы (милиция);

– медициналык кызмат көрсөтүү;

– Бишкек шаардык Куткаруу кызматы;

– №4, №6 жана №8 өрт куткаруу бөлүмдөрүнүн өрткө каршы бөлүмдөрү;

Коомдук тартипти коргоо кызматы өзгөчө кырдаал болгон жердин периметрин курчоого алып, куткаруу кызматынын куткаруучулары авариялык-куткаруу чеберчилигин көрсөтүп, жабырлануучуну окуя болгон жерден чыгарып, биринчи медициналык жардам көрсөтүү үчүн медицина кызматкерлерине өткөрүп беришкен.

№4, 6, 8 өрткө каршы бөлүмдөрүнүн кызматкерлери күжүрмөн жайылтууну аткарып, өрттү өчүрүүгө киришти.

Машыгуунун максаттары: Жарандык коргонуу кызматтарынын күчтөрүнүн жана каражаттарынын табигый жана техногендик мүнөздөгү өзгөчө кырдаалдарда ыкчам аракеттери бааланды.