Электр энергия менен жабдуу жана жарыкты чүмбөттөө кызматынын абалы бааланды

Кыргыз Республикасынын Жарандык коргонуу кызматынын 2022-жылга карата даярдык Планынын алкагында Жарандык коргонуу тутумдарына кирген мекемелердин абалын текшерүү жана баалоо 29-30-мартта жүргүзүлөт.

Бул иш-чараны Кыргыз Республикасынын Өзгөчө кырдаалдар министрлигинен түзүлгөн атайын комиссия курамы өткөрүүдө. Текшерүү маалында Электр энергия менен жабдуу жана жарыкты чүмбөттөө кызматынын бүгүнкү абалы бааланды.

Иш-чаранын алкагында төмөнкүдөй иштер аткарылды:

-Энергия менен жабдуу жана жарыкты чүмбөттөө кызматынын өзгөчө кырдаал учурунда Жарандык коргонууну уюштуруусун, иш-мерчемин текшерүү, жетекчилик курамды Жарандык коргонууга даярдоо;

– Жетекчилик курамга маалымдоону жана чогултууну иш-жүзүндө аткаруу;

– Кетирилген кемчиликтерди калыбына келтирүү;

– Жарандык коргонуу жаатындагы ченемдик укуктук актылардагы талаптарын аткаруу боюнча иштерди уюштуруу жана аткарылышын көзөмөлдөө;

– Байланыш жана кабарлоо системасынын абалы боюнча;

– ӨКдан жана өндүрүштүк орчундуу авариялык кырсыктардын келип чыгуу учурунда калкты коргоо абалы боюнча;

– Өзгөчө кырдаалдардын кесепеттерин жоюу үчүн каржылык жана материалдык ресурстардын көрөңгөсүн түзүү жана пайдалануу, күч жана каражаттарынын даярдыгы.