ӨКМ аскер кызматчыларынын күжүрмөндүгүн бекемдейт

АСКЕР КЫЗМАТЧЫЛАРЫНЫН КҮЖҮРМӨНДҮГҮН БЕКЕМДЕЙТ
▪️Бүгүн, 10-январында жаңы кышкы окуу жылы салтанаттуу ачылды. Салтанаттуу иш-чарага министрдин орун басары, полковник Урматбек Шамырканов катышып Өзгөчө кырдаалдар министрлигинин өздүк курамын куттуктады.
▪️Ал өз сөзүндө ӨКМ кызматкерлеринин өзгөчө кырдаалдар учурундагы даярдыгын жакшыртуу максатында сабактар тынымсыз жүргүзүлөрүн жана коюлган тапшырмаларды так жана өз учурунда аткарууну белгилеп өттү.
✔️“Кышкы окуу мезгилинде өздүк курамды даярдоодогу негизги күч-аракеттер аскер кызматчыларынын жекече даярдануусун өркүндөтүүгө жана заманбап техникаларды колдонуудагы даярдыгын жакшыртууга багытталат. Ошондой эле окуу мезгилине каралган иш-чараларды ийгиликтүү ишке ашыруу, аскер кызматчыларынын бардык категорияларынын кесипкөйлүлүгүн жогорулатууга жана аларга жүктөлгөн милдеттерди аткарууга даярдыгын мыкты деңгээлге алып чыгууга мүмкүндүк берет”, – деген полковник Урматбек Шамырканов өздүк курамга кышкы окуу мезгилинде
ийгиликтерди каалап өттү.