ӨКМ мектеп окуучулар үчүн ачык эшик күнүн өткөрдү
Араван районунун Өрт-куткаруу бөлүмүндө Тепе-Коргон айыл өкмөтүнүн № 8 М.Назаров атындагы, №26 М.Караев атындагы орто мектептеринин окуучулары үчүн ачык эшик өткөрүлдү.
Анын негизги максаты – өрткө каршы кызмат менен таанышуу жана балдардын өрт коопсуздугу боюнча билимин жогорулатуу.
Иш-чаранын жүрүшүндө ӨКМдин кызматкерлери окуучулар менен өрт коопсуздук эрежелери, өрттүн келип чыгуу себептери, алардын келип чыгышы мүмкүн болгон кесепеттери тууралуу баарлашты. Окуучулар өрт учурундагы жүрүм-турум эрежелери, өрт өчүрүүчү алгачкы шаймандар менен таанышып, өрт өчүрүүчүлөдүн кызматы жөнүндө кеңири маалымат алышты. Ошондой эле, окуучулардын эсине “101” жана “112” өрт өчүрүү жана куткаруу кызматтарынын телефондорун эскертишти
