ӨКМ Республика боюнча 14 000ге жакын турак жайды сел, суу ташкындарынан коргоого алды
ӨКМ РЕСПУБЛИКА БОЮНЧА 14 000ге ЖАКЫН ТУРАК ЖАЙДЫ СЕЛ, СУУ ТАШКЫНДАРЫНАН КОРГООГО АЛДЫ
КР Өзгөчө кырдаалдар министрлиги тарабынан “Атайын алдын алуу жана кесепеттерин жоюу” иш чаралары боюнча 2022-жылга 247 объект планга киргизилсе, жыл ичинде дагы 68 объект кошулуп, жалпы саны 315ке жеткен.Үстүбүздөгү жылдын 11 айынын жыйынтыгы менен жалпы каралган 315 объекттин 282синде иш толугу менен бүткөрүлдү. Ал эми учурда 13 объекттиде жумуш уланып жатса, 9 объектиде жумуш аткаруудан баш тартышкан. Калган 5 объект 2023-жылдын мерчемине сунушталды.Аткарылган иштин натыйжасында республика боюнча:– 13733 турак үй,10 дача, 63 жер тилкеси;
– 4901 га айыл-чарба жери;
– 64 социадык объект жана 4 мазар, 5 сарай, 10 дүкөн, 2 кампа;
– 15 ички чарбалык көпүрө, 1 аялдама, 850 метр сугат каналы, 10 электр чубалгылары;
– 3000 метр ички чарбалык арык сел, суу ташкындарынан коргоого алынды.
Ошондой эле 3435 км ички чарбалык жол кардан, 18000 метр жол сел, суу ташкындарынан тазаланды.
