КРнын Өзгөчө кырдаалдар министрлиги өлкө аймагында гуманитардык жардамдарды кабыл алуу түйүндөрүн ачууда

КАЙРЫМДУУЛУК ЖАРДАМЫНА КОЛ СУНУҢУЗ ЗАМАНДАШ!

Урматтуу мекендештер!

Кыргыз Республикасы Түркия мамлекетинин жер титирөөдөн жабыркаган аймактарына кайрымдуулук жардамын жөнөтөт. Кыш мезгилинде үй-жайсыз калган түрк эли жардамга муктаж! Андыктан, жардамга кайдыгер карабаган Кыргызстандын атуулдарынан жардам күтөбүз.

Жабыр тарткандарга (чоңдор жана балдар үчүн) кышкы жылуу кийимдерди, жамгырда кийилүүчү күрмө, өтүк, колкап, ымыркайлар жана аялдар үчүн гигиеналык баштыктын топтому, наристелер үчүн кийим-кечек, тазалык каражаттары керек.

Мындан сырткары медициналык каражаттар, чатыр, керебет, чатырга ылайыкталган матрацтар, жууркан, термос, кол чырак, портативдүү заряддагыч (повербанк) өтө зарыл.

Кыргыз Республикасынын Өзгөчө кырдаалдар министрлигинин өлкө аймагында гуманитардык жардамдарды кабыл алуу түйүндөрү ачылууда.

Эскертүү, кийилген кийимдер жана тез бузулуучу азык-түлүктөр кабыл алынбайт. Гуманитардык жардамдарды кабыл алуу түйүндөрүнүн дарегин ӨКМдин облустук башкармалыктарынан тактай аласыздар.

Сурап-билүү телефондору:

Бишкек – 0312 – 43-26-56;

Ош – 0554112847

0556262605 , 0770 758 080;

Баткен – 0772 020 203, 0770 224 236,

0776 858 555;

Ысык-Көл – 0500 988 78, 0552 000 987;

Нарын – 0559 112 112;

Жалал-Абад – 0559 777 788;

Талас – 0709 004 500.