Министр Бообек Ажикеев Баткенде
Өзгөчө кырдаалдар министри Бообек Ажикеев Баткен облусуна барып, Жарандык коргонуу кызматтары менен биргеликте абалды жеке көзөмөлүнө алууда.
Министр жеринде жабыр тарткан элден кабар алып, калкты коопсуз жайларга жайгаштырууда жана аларды тамак-аш менен камсыздоодо, гуманитардык жардамдарды жеткирүүдө, медициналык кызматтардын кечиктирилгис иш-аракеттеринин ыкчам аткарылуусун көзөмөлгө алууда.
Баткен облусунда түзүлгөн кырдаалга байланыштуу КР Өзгөчө кырдаалдар министрлигинин жалпы өздүк курамы күчөтүлгөн тартипке ишке өттү.
