Министр Кахраманмараш шаарындагы куткаруучулардан кабар алды

МИНИСТР КАХРАМАНМАРАШ ШААРЫНДАГЫ КУТКАРУУЧУЛАРДАН КАБАР АЛДЫ

Кыргыз Республикасынын Өзгөчө кырдаалдар министри Бообек Ажикеев жер титирөөнүн очогу — Кахраманмараш шаарында болду.

Ал Кыргызстандын Түркиядагы Толук жана Ыйгарым укуктуу элчиси Руслан Казакбаев менен бирге мындагы жер титирөөнүн кесепеттерин жоюу үчүн түзүлгөн атайын штабдын жана жергиликтүү бийликтин өкүлдөрүнө жолугуп, издөө-куткаруу иштери менен таанышты.

Андан соң министр кыргыз куткаруучуларына бөлүнгөн 5 тилкеде эки нөөмөт менен иштеп жаткан өздүк курамдын абалын жана алардын ишин көрүп, ал жердеги жакындарын жоготкондорго көңүл айтты.

Министр Бообек Ажикеев Кыргызстандан түрк элине жардамга берилген боз үйлөр шаарчасына барып, Вандык кыргыздар менен жолугушту.