Нарын: ӨКМ куткаруучуларына ыраазычылык билдиришти

Ак-Талаа районунун Коңорчок айылындагы Коңорчок  сел агуучу сайынын нугун тазалоо иштери жүрүп жатат.  Бул айылдын сайын тазалоо Өзгөчө кырдаалдар министрлигинин селдин алдын алуу боюнча иш-планына киргизилген.

Тазалоо иштери ӨКМдин техникасы менен жүргүзүлүп,  Коңорчок айылынын тургундары жашаган үйлөрү, короо-сарайлары  сел жүрүүдөн корголду. Селден коргоо иши 21-майда толугу менен аяктады.

Тазалоо, селден коргоо иштерине ыраазы болгон коңорчоктуктар ӨКМдин куткаручууларына жана жалпы министрликке ыраазычылык билдиришти.