Ош: 15 турак үй, 22 сарай коргоого алынды

Жарандык коргонуунун даярдык мерчемине ылайык штабдык машыгуу Чоң-Алай районунда да өткөрүлдү. Чоң-Алай айыл аймагынын Жар-Башы айылында кокту-колоттордон топтолуп келген сел суулардын кесепетин жоюу аракети көрүлүп, райондук ӨКБнүн өздүк курамы, 15 куткаруучу, 1 автоунаа, ошондой эле райондук ЖК кызматтарынын коомдук тартипти көзөмөлдөө кызматынын күч каражаттары, райондук жалпы ЖК кызматтары тартылды.

Сел суу кесепеттерин жоюу жана калыбына келтирүү максатында 15 турак үй, 22 сарай, 8 чакырым ички чарбалык жол, 7 жер төлө корголду.