Ош: 78-жаштагы аял киши куткарылды

Куткаруучуларга Ош шаарынын Айтиев көчөсүндө жайгашкан көп кабаттуу турак үйдүн батиринин эшиги бекилип, 78-жаштагы аял киши жардамга муктаж экендиги тууралуу маалымат түшкөн.

Ага Ош шаардык Куткаруу кызматынан 4 куткаруучу тартылып, аталган даректе атайын шаймандардын жардамында терезеден кирип, эшигин ачышкан.

Батир ичиндеги жабыркаган жаранды “Тез жардам” кызматынын адистерине өткөрүп беришти.