Ысык-Көл: Кереге-Таш айылында 900дөн ашуун түк чөп күйдү

5-декабрь күнү Ак-Суу районуна караштуу Кереге-Таш айлынын Жаздыбаев көчөсүндө жайгашкан турак үйдүн короосунда чөп күйүп жаткандыгы тууралуу маалымат түшкөн.

Жерине Ак-Суу районунун №39 өрткө каршы куткаруу бөлүмүнөн бир бөлүкчө тартылган. Өрт саат 16:55де чектөөгө алып, 19:41 эде толук өчүрүлгөн. Тилсиз жоонун кесепетинен жалпы 900 түк чөп, 120 түк саман күйгөн. Такталган маалыматка ылайык, өрт кырсыгынан жабыркагандар жок. Учурда өрттүн келип чыгуу себеби такталууда.

ЭСКЕРТҮҮ Кургак чөптүн жанына туруп тамеки тартууга жана анын калдыгын таштоого;

От жагууга;

балдардын от менен ойноосуна тыюу салынат!

КР ӨКМ ПРЕСС БОРБОР