Өзгөчө кырдаалдарга калктын даярдыгын жогорулатуу боюнча көчмө окутуу Түп районунда

Ысык-Көл облусунун Түп районундагы жергиликтүү өзүн-өзү башкаруу органдарына жана тургундарына ӨКМге караштуу Жарандык коргонуу адистерин даярдоо жана кайра даярдоо Борборунун кызматкерлери тарабынан атайы окутуулар өткөрүлүүдө.

Окутууда өрт кырсыгы, ар кандай мүнөздөгү өзгөчө кырдаалдарда калктын жүрүм-турум эрежелери жана сактануу ыкмалары үйрөтүлүүдө.

Аталган борбордун “Көчмө окууларды уюштуруу” мерчемине ылайык, мекеменин Жарандык коргонуу кафедрасынын башчысы, подполковник М. Шерматов жеринде атайын дарстарды окуп, өтүүдө.

Окутуунун негизги максаты — өзгөчө кырдаалдарга калктын даярдыгынын деңгээлин жогорулатуу, ошондой эле жарандык коргонуу жаатындагы бардык деңгээлдеги кызмат адамдарынын билимин жогорулатуу.