Жалал-Абад: Таш-Булак айылында өрт чыкты

14-март күнү саат 13:16 чамасында Сузак районунун, Таш-Булак айылында өрт кырсыгы катталгандыгы тууралуу маалымат түшкөн.

Жерине №20 ӨКБдан бир өрт өчүрүүчү бөлүмү тартылган.

Өрт саат 13:29 толук өчүрүлдү.

Натыйжада Таш-Булак айылындагы М.Калбаев көчөсүндө жайгашкан аянты 25 ч.м. болгон контейнер толугу менен күйгөн.

Жабыркагандар жок.

Өрттүн учурда себеби такталууда.